Select Page

ब्रह्मचारिण: अग्निकार्यम्

सङ्कल्प:

आचम्य प्राणानायम्य देशकालौसङ्कीर्त्य
श्रीपरमेश्वरप्रीत्यर्थं प्रातरग्निकार्य
(सायङ्काले तु सायमग्निकार्यं) करिष्ये।।

ध्यानम्

चत्वारिशृङ्गा गौतमो वामदेवो अग्निस्त्रिष्टुप्
अग्निमूर्तिध्याने विनियागः।।
चत्वारि॒ शृङ्गा॒ त्रयो᳚ अस्य॒ पादा॒ द्वे शी॒र्ष स॒प्त हस्ता᳚सो अस्य।।
त्रिधा᳚ ब॒द्धो वृ॑ष॒भो रो᳚रवीति म॒हो दे॒वो मर्त्यां॒ आ वि॑वेश।।
सप्तहस्तश्चतुःशृङ्गः सप्तजिह्वो द्विशीर्षकः।
त्रिपात्प्रसन्नवदनः सुखासीनः शुचिस्मितः।।
स्वाहान्तु दक्षिणेपार्श्वे देवीं वामे स्वधां तथा।
बिभ्रद्दक्षिणहस्तैस्तु शक्तिमन्नं सुचंस्रुवम्।।
तोमरं व्यजनं वामैर्घृतपात्रं च धारयन्।
मेषारूढो जटाबद्धो गौरवर्णो महौजसः।।
धूम्रध्वजो लोहिताक्षः सप्तार्चिः सर्वकामदः।
आत्माभिमुखमासीन एवं रूपो हुताशनः।।
अग्ने वैश्वानर शाण्डिल्यगोत्र मेषध्वज
प्राङ्मुखोदेव मम सम्मुखो वरदो भव।।
इति ध्यात्वा त्रिवारं परिसमूहनं त्रिवारं पर्युक्षणं कृत्वा।।

समिदाधानम्

अग्नये समिधमित्यस्य हिरण्यगर्भाऽग्निर्बहती
समिदाधाने विनियोगः॥
ॐ अ॒ग्नये᳚ स॒मिध॒माहा᳚र्षं बृह॒ते जा॒तवे᳚दसे।
तया॒ त्वम॑ग्ने॒ वर्ध॑स्व स॒मिधा॒ ब्रह्म॑णा व॒यं स्वाहा᳚।।
अग्नय इदं न मम।।
तत: पाणी प्रक्षाल्य।
ॐ तेजसा मा समनज्मि।।
इति त्रिः।।

उपस्थानम्

मयिमेधां इति षण्णां हिरण्यगर्भऋषिः
पूर्वेषां त्रयाणां अग्नीन्द्रसूर्यादेवताः
उत्तरत्रयाणां अग्निदेवता गायत्रीच्छन्दः
उपस्थाने विनियोगः।।

मयि॑ मे॒धां मयि॑ प्र॒जां मय्य॒ग्निस्तेजो॑ दधातु॒ ।
मयि॑ मे॒धां मयि॑ प्र॒जां मयीन्द्र॑ इन्द्रि॒यं द॑धातु ।
मयि॑ मे॒धां मयि॑ प्र॒जां मयि॒ सूर्यो॒ भ्राजो॑ दधातु ॥ १॥

यत्ते॑ अग्ने॒ तेजस्तेना॒ऽहं ते॑ज॒स्वी भू॑यासम्।।
यत्ते॑ अग्ने॒ वर्च॒स्तेना॒ऽहं व॑र्च॒स्वी भू॑यासम्।।
यत्ते॑ अग्ने॒ हर॒स्तेना॒ऽह ꣳ ह॑र॒स्वी भू॑यासम्।।

विभूतिधारणम्

मानस्तोकइत्यस्य कुत्सो रुद्रो जगती
विभूतिग्रहणे विनियोगः।।
ॐ मा न॑स्तो॒के तन॑ये॒ मा न॑ आ॒यौ मा नो॒ गोषु॒ मा नो॒ अष्वे᳚षु रीरिषः।
वी॒रान्मा नो᳚ रुद्र भामि॒तो व॑धीर्ह॒विष्म᳚न्त॒: सद॒मित्त्वा᳚ हवामहे।।
त्र्यायुष जमदग्नेरिति ललाटे।।
कश्यपस्य त्र्यायुषं कण्ठे।।
अगस्त्यस्य त्र्यायुषं नाभौ।।
यद्देवानां त्र्यायुषं दक्षिणस्कन्धे।।
तन्मेअस्तु त्र्यायुषं वामस्कन्धे।।
सर्वमस्तु शतायुषं शिरसि।।
ॐ च॑ मे॒ स्वर॑श्च मे य॒ज्ञोप॑चते॒ नम॑श्च।
यत्ते न्यूनं तस्मै त उपयत्ते॑तिरि॒क्तं तस्मै॑ ते नमः।।
अग्नये नमः।।
स्वस्ति।।
श्रद्धां मेधां यशः प्रज्ञां विद्यां बुद्धिं श्रियं बलम्।
आयुष्यं तेज आरोग्यं देहि मे हव्यवाहन।।
नमो नमः।।

कर्मनिवेदनम्

अनेन प्रातरग्निकार्य (सायमग्निकार्य) होमेन कर्मणा
श्रीपरमेश्वरः प्रीयतां न मम।।
द्विराचम्य।।

 

महामंत्र

श्री भक्तकार्यकल्पद्रुम गुरुसार्वभौम श्रीमद्राजाधिराज योगिमहाराज त्रिभुवनानंद अद्वैत अभेद निरंजन निर्गुण निरालंब परिपूर्ण सदोदित सकलमतसस्थापित श्री सद्गुरु माणिकप्रभु महाराज की जय!

 

CONTACT US

Shri Manik Prabhu Samsthan,
Maniknagar,
Dist. Bidar,
Karnataka - 585353  (India)

E-mail: maniknagar@gmail.com 

Admin:  9448469913, 9448128389
Office: 9535119497,  9036656829
Seva Booking: 9008894889
Accommodation: 9902453075, 9731089499