गुरुगङ्गाष्टकम्‌

मातर्नन्दिकतीर्थसुन्दरभवे शैवैरुपास्ये शिवे
निःशेषाघनिवारणाय चतुरे सौन्दर्यरत्नाकरे।
देवानीकसुसेविते सुखकरे संसारतापापहे
दीनं सुज्ञजनालिसेवितपदे त्वं मां पवित्रं कुरु।।१।।

रोगार्दितं संसृतितापतप्तं षट्कर्महीनं त्वघसंप्लतं माम्।
न चापगान्या भुवने त्वदन्या नाघं प्रकर्तुं जननी च तां गतम्।।२।।

जगज्जननि त्वद्यशो भुवि महत्समुद्यत्सदा जनावलिपवित्रतां प्रकुरुतेऽत्र बिन्दुस्तव।
इति श्रवणतो मतिर्मम तवाम्बुसंसेवने पवित्रमकरोषि चेज्जननि ता कथं ते सुते।।३।।

त्वदम्बुसेवनात्सदा निराकुला भवन्ति ते खगा मृगा: सुरर्षयो नरोत्तमाः सुरासुराः।
सुभक्तियुक्तचेतसा नरस्त्वदम्बुसेवनं करोति यः स याति धाम वैष्णवं सुरार्थितम्।।४।।

असवो यदि यान्ति त्वत्तटे स नरो धन्यतया दिवं प्रयाति।
हरिनाममिवात्र त्वत्तटं न विमुञ्चन्ति कदापि मानवाः।।५।।

तव तीरनिवासवर्जिता न जनिर्जगतीतले मता सा।
न यथा हरिनामवर्जिता रसना या विषवल्लरी मता सा।।६।।

विरजा गुरुगङ्गे मे सितासिते यत्र सङ्गते तत्र।
यः प्लावयति शरीरं स याति भक्त्या सुमाणिकं धाम।।७।।

त्वदर्शनात्त्वत्स्मरणात्तवाम्बुसंसेवनान्माणिकपादसम्भवे।
यत्सौकृतं तत्कथने न शक्ता ब्रह्मादयस्तत्र कियानहं नरः।।८।।

गुरुगङ्गाष्टकमिदं पठतां सर्वसिद्धिदम्।
पठितव्यं सर्वकाले दशाहरे विशेषतः।।९।।

इति श्रीमन्माणिकानुजनृसिंहतनुजमनोहरमुनिवर्यविरचितं गुरुगङ्गाष्टकं समाप्तम्।।

महामंत्र

श्री भक्तकार्यकल्पद्रुम गुरुसार्वभौम श्रीमद्राजाधिराज योगिमहाराज त्रिभुवनानंद अद्वैत अभेद निरंजन निर्गुण निरालंब परिपूर्ण सदोदित सकलमतसस्थापित श्री सद्गुरु माणिकप्रभु महाराज की जय!

 

CONTACT US

Shri Manik Prabhu Samsthan,
Maniknagar,
Dist. Bidar,
Karnataka - 585353  (India)

E-mail: maniknagar@gmail.com 

Admin:  9448469913, 9448128389
Office: 9535119497,  9036656829
Seva Booking: 9008894889
Accommodation: 9902453075, 9731089499