नवरत्नमालिकास्तोत्रम्

दाडिमसुबीजरदनं मृगमदपङ्केन लिप्तभालं तम्।
स्वर्णाग्निभानुसदृशं दत्तं माणिक्यरूपिणं वन्दे।॥१॥

वेदाक्षरस्वरूपं रजस्तमस्सत्त्वात्मकं महेशं तम्।
मनोहरात्मजमेकं श्रीवत्सगोत्रोद्भवं ह्यहं नौमि।।२।।

भक्तै: पूज्यं वन्द्यं कबरीभारेण मण्डितं देवम्।
सुरयूथपपैर्ध्येयं देशिकरूपं च माणिकं स्तौमि।।३।।

गेयं गानप्रियं तं सर्वेशं गानकारणं वन्दे।
बयाम्बासुतं तं मायाहीनं च सृष्टिकर्तारम्।।४।।

कौपीनधारिणं तं दण्डकमण्डलुकरं शशाङ्काङ्कम्।
कज्जलयुक्तसुनेत्रं भक्त्या तुष्टं च माणिकं वन्दे।।५।।

विधिहरिहररूपं तं निस्त्रैगुण्यं च गौरवर्णाङ्गम्।
सुरयूथपपं त्वीशं सकलभयाद्रक्षकं ह्यहं वन्दे।।६।।

कारुणिकाखिलवन्द्यं धारणिहृदयाब्जवासकर्तारम्।
अज्ञानान्धतमिस्रं नाशनकर्तारमाश्रयाम्यद्य।।७।।

शशिधरनगधरवन्द्यं भूपर्यङ्कशायिनं वन्दे।
माणिकनाम्नाऽख्यातं माणिक्यैर्भूषितं सदा वन्दे।।८।।

मायातन्त्वभिजातं जालं संसाररूपमेतद्यत्।
तस्यापि दारकं तं माणिकमभयप्रदं सदा वन्दे।।९।।

नवरत्नमालिकेयं रचिता माणिक्यराजपूजार्थम्।
यः पठति लिखति सततं स भवेत्प्राज्ञः प्रभोः प्रसादेन।।१०।।

इति श्रीमन्माणिकानुजनृसिंहतनुजमनोहरमुनिवर्यविरचितं नवरत्नमालिकास्तोत्रं सम्पूर्णम्।

महामंत्र

श्री भक्तकार्यकल्पद्रुम गुरुसार्वभौम श्रीमद्राजाधिराज योगिमहाराज त्रिभुवनानंद अद्वैत अभेद निरंजन निर्गुण निरालंब परिपूर्ण सदोदित सकलमतसस्थापित श्री सद्गुरु माणिकप्रभु महाराज की जय!

 

CONTACT US

Shri Manik Prabhu Samsthan,
Maniknagar,
Dist. Bidar,
Karnataka - 585353  (India)

E-mail: maniknagar@gmail.com 

Admin:  9448469913, 9448128389
Office: 9535119497,  9036656829
Seva Booking: 9008894889
Accommodation: 9902453075, 9731089499