Select Page

मन्त्रमार्तण्ड

पञ्चाङ्गरुद्रन्यासः

अथात: पञ्चाङ्गरुद्राणां न्यासपूर्वकमभिषेकार्चनविधिं व्याख्यास्यामः।

ॐ नम॑स्ते रुद्र म॒न्यव॑ उ॒तोत॒ इष॑वे॒ नम॑:।
नम॑स्ते अस्तु॒ धन्व॑ने बा॒हुभ्या॑मु॒त ते॒ नम॑:।।

या त॒ इषु॑: शि॒वत॑मा शि॒वं ब॒भूव॑ ते॒ धनु॑:।
शि॒वा श॑र॒व्या॑ या तव॒ तया॑ नो रुद्र मृडय।।

या ते॑ रुद्र शि॒वा त॒नूरघो॒राऽपा॑पकाशिनी।
तया॑ नस्त॒नुवा॒ शन्त॑मया॒ गिरि॑शन्ता॒भिचा॑कशीहि।।

यामिषुं॑ गिरिशन्त॒ हस्ते᳚।
ॐ कं खं गं घं ङं ॐ नमो भगवते रुद्राय।
ॐ नं पूर्वाङ्गरुद्राय नमः।

संवर्ताग्नितटित्प्रदीप्तकनकप्रस्पर्धितेजोरुणं
गम्भीरध्वनिमिश्रिताग्रिरचनाप्रोद्भासिताभ्राधरम्।
अर्धेन्दुद्युतिमौलिपिङ्गलजटाभारप्रबद्धोरगं
वन्दे सिद्धसुरासुरेन्द्रनमितं पूर्वङ्मुखं शूलिनम्।।

ॐ स॒द्योजा॒तं प्र॑पद्या॒मि॒ स॒द्योजा॒ताय॒ वै नमो॒ नम॑:।
भ॒वे भ॑वे॒ नाति॑भवे भवस्व॒ माम्।
भ॒वोद्भ॑वाय॒ नमः।।

ॐ कं खं गं घं डं ॐ नमो भगवते रुद्राय।
ॐ नं पूर्वमुखाय नमः॥१॥

ॐ निध॑नपतये॒ नमः।
निध॑नपतान्तिकाय॒ नमः।
ऊर्ध्वाय॒ नमः।
ऊर्ध्वलिङ्गाय॒ नमः।
हिरण्याय॒ नमः।
हिरण्यलिङ्गाय॒ नमः।
सुवर्णाय॒ नमः।
सुवर्णलिङ्गाय॒ नमः।
दिव्याय॒ नमः।
दिव्यलिङ्गाय॒ नमः।
भवाय॒ नमः।
भवलिङ्गाय॒ नमः।
शर्वाय॒ नमः।
शर्वलिङ्गाय॒ नमः।
शिवाय॒ नमः।
शिवलिङ्गाय॒ नमः।
ज्वलाय॒ नमः।
ज्वललिङ्गाय॒ नमः।
आत्माय॒ नमः।
आत्मलिङ्गाय॒ नमः।
परमाय॒ नमः।
परमलिङ्गाय॒ नमः।
एतथ्सोमस्य॑ सूर्य॒स्य॒ सर्वलिङ्ग स्थाप॒य॒ति॒ पाणिमन्त्रं॑ पवि॒त्रम्।।

ॐ चं छं जं झं ञं ॐ नमो भगवते रुद्राय।
ॐ मं दक्षिणाङ्गरुद्राय नमः।।

कालाभ्रभ्रमराञ्जनद्युतिनिभं व्यावृत्तिपिङ्गेक्षणं
कर्णोद्भासितभोगिभूषणमणिप्रोद्भिन्नदंष्ट्राङ्कुरम्।
सर्पप्रोतकपालशक्तिसकलं व्याकीर्ण सञ्छेकरं
वन्दे दक्षिणमीश्वरस्य वदनं भ्रूभङ्गरौद्रं मुखम्।।

ॐ वा॒म॒दे॒वाय॒ नमो᳚ ज्ये॒ष्ठाय॒ नम॑: श्रे॒ष्ठाय॒ नमो॑ रु॒द्राय॒
नम॒: काला॑य॒ नम॒: कल॑विकरणाय॒ नमो॒ बल॑विकरणाय॒ नमो॒
बला॑य॒ नमो॒ बल॑प्रमथनाय॒ नम॒: सर्व॑भूतदमनाय॒ नमो॑
म॒नोन्म॑नाय॒ नम॑:।।

ॐ चं छं जं झं ञं ॐ नमो भगवते रुद्राय।
ॐ मं दक्षिणमुखाय नमः।।२।।

ॐ अपै॑तु मृ॒त्युर॒मृतं॑ न॒ आग॑न्वैवस्व॒तो नो॒ अभ॑यं कृणोतु।
प॒र्णं वन॒स्पते॑रिवा॒भि न॑: शीयताꣳ र॒यिः सच॑तां न॒: शची॒पति॑:।।

ॐ टं ठं डं ढं णं ॐ नमो भगवते रुद्राय।
ॐ शिं पश्चिमाङ्गरुद्राय नमः।।

प्रालेयाचलमिन्दुकुन्दधवलं गोक्षीरफेनप्रभं
भस्माभ्यङ्गमनङ्गदेहदहनं ज्वालावलीलोचनम्।
विष्णुब्रह्ममरुद्गणैः स्तुतिपरैर्ऋग्वेदनादोदयं
वन्देऽहं सकलं कलङ्करहितं स्थाणोर्मुखं पश्चिमम्।।

ॐ अ॒घोरे᳚भ्योऽथ॒ घोरे᳚भ्यो॒ घोर॒घोर॑तरेभ्यः।
सर्वे᳚भ्य: सर्व॒शर्वे᳚भ्यो॒ नम॑स्ते अस्तु रु॒द्ररू॑पेभ्यः।।

ॐ टं ठं डं ढं णं ॐ नमो भगवते रुद्राय।
ॐ शिं पश्चिममुखाय नमः।।३॥

प्राणानां ग्रन्थिरसि रुद्रो मा॑ विशा॒न्तकः।
तेनान्नेना᳚प्यायस्व।।

ॐ तं थं दं धं नं ॐ नमो भगवते रुद्राय।
ॐ वं उत्तराङ्गरुद्राय नमः।

गौरं कुङ्कुमपङ्किलं सुतिलकं व्यापाण्डुगण्डस्थलं
भ्रूविक्षेपकटाक्षवीक्षणलसत्संसक्तकर्णोत्पलम्।
स्निग्धं बिम्बफलाधरप्रहसितं नीलालकालङ्कृतं
वन्दे याजुषवेदघोषजनकं वक्त्रं हरस्योत्तरम्।।

ॐ तत्पुरु॑षाय वि॒द्महे॑ महादे॒वाय॑ धीमहि।
तन्नो॑ रुद्रः प्रचो॒दया᳚त्।।

ॐ तं थं दं धं नं ॐ नमो भगवते रुद्राय।
ॐ वं उत्तरमुखाय नमः।।४॥

ॐ पं फं बं भं मं ॐ नमो भगवते रुद्राय।
ॐ यं ऊर्ध्वाङ्गरुद्राय नमः।

व्यक्ताऽव्यक्तनिरूपितं च सकलं षट्त्रिंशतत्त्वात्मकं
तस्मादुत्तरमन्त्रमक्षरमिदं ध्येयं सदा योगिभिः।
ॐकारादिसमस्तमन्त्रसहितं सूक्ष्मातिसूक्ष्मं परं
शान्तं पञ्चममीश्वरस्य वदनं खं व्यापितेजोमयम्।।

ॐ ईशानः सर्व॑विद्या॒ना॒मीश्वरः सर्व॑भूता॒नां॒
ब्रह्माधि॑पति॒र्ब्रह्म॒णोऽधि॑पति॒र्ब्रह्मा॑
शि॒वो मे॑ अस्तु सदाशि॒वोम्।।

ॐ पं फं बं भं मं ॐ नमो भगवते रुद्राय।
ॐ यं ऊर्ध्वमुखाय नमः॥५॥

यद्देवासुरपूजिता गुणनिधिः सामर्थ्यतारागणैः
पुन्नागाम्बुजनागपुष्पबकुलैः स्रग्भिः सुरैरर्चितम्।
नित्यं ध्यानसहस्रदीप्तकिरणं कालाग्निरुद्रोपमं
तत्संहारकरं नमामि सततं पातालषष्ठं मुखम्।।

ॐ कद्रु॒द्राय॒ प्रचे॑तसे मी॒ढुष्ट॑माय॒ तव्य॑से।
वो॒चेम॒ शन्त॑मꣳ हृ॒दे।
पातालवक्त्राय नमः॥६॥

इति पञ्चाङ्गरुद्रन्यासः॥

महामंत्र

श्री भक्तकार्यकल्पद्रुम गुरुसार्वभौम श्रीमद्राजाधिराज योगिमहाराज त्रिभुवनानंद अद्वैत अभेद निरंजन निर्गुण निरालंब परिपूर्ण सदोदित सकलमतसस्थापित श्री सद्गुरु माणिकप्रभु महाराज की जय!

 

CONTACT US

Shri Manik Prabhu Samsthan,
Maniknagar,
Dist. Bidar,
Karnataka - 585353  (India)

E-mail: maniknagar@gmail.com 

Admin:  9448469913, 9448128389
Office: 9535119497,  9036656829
Seva Booking: 9008894889
Accommodation: 9902453075, 9731089499